English French German Spain Italian Dutch Russian Portuguese Japanese Korean Arabic Chinese Simplified

++Sitene Ekle
$ DOLAR → Alış: / Satış:
€ EURO → Alış: / Satış:

Аҧсны ахәыҷтәы-қәыҧштә хореографиатә коллективқәа рыбжьара XXI Ареспубликатә конкурс, Аҟәа ақалақь аҿы имҩаҧысуеит

Аҧсны ахәыҷтәы-қәыҧштә хореографиатә коллективқәа рыбжьара XXI Ареспубликатә конкурс, Аҟәа ақалақь аҿы имҩаҧысуеит


Аусмҩаҧгатә аиҿкааҩ – И. Е. Кортуа ихьӡ зху жәлар рҟазара Ареспубликатә центр.

Аҟәа. Лаҵарамза 16. Аҧсныпресс. Дырмит Басариа. Лаҵарамза 16-17 рзы, Аҧснытәи аҳәынҭқарратә филармониа аҿы Аҧсны ахәыҷтәы-қәыҧштә хореографиатә коллективқәа рыбжьара XXI Ареспубликатә конкурс “Аӡыхь” мҩаҧыслоит. Уи рхы аладырхәуеит 6-18 шықәса зхыҵуа, 700 -ҩык инареиҳаны алахәылацәа. Уи азы Аҧсныпресс ахь адырра ҟаиҵеит Аҧсны жәлар рҟазара ареспубликатә Центр анаҧхгаҩы Нури Кәарҷиа.

“Афестиваль анеиҿкааха инаркны иахьа уажәраанӡа, аноминациақәеи алахәылацәеи рхыҧхьаӡара ессааира еизҳауан. Раҧхьатәи ашықәсқәа рзы “аҧсуа кәашара” ҳәа изышьҭоу номинациак заҵәык акәызҭгьы иҟаз, анаҩстәи ашықәсқәа рзы аконкурс ахь ицәырган Аҧсны иқәынхо ажәларқәа зегьы рыкәашарақәа. Сынтәа ҳара ҳконкурс аҳәаақәа еиҳагьы иҳарҭбааит, “ҳаамҭазтәи аестрадатә кәашареи” “аклассикатә кәашареи” ҳәа аноминациа ҿыцқәа алаҳгалеит”, – ҳәа еиҭеиҳәеит Нури Кәарҷиа.

Аҧсны жәлар рҟазара ареспубликатә Центр анаҧхгаҩы иажәақәа рыла, Ареспубликатә конкурс ахықәкы хаданы иҟоуп аҧсуа жәлар рыкәашара апопулиаризациеи, иара убас, аҿар, егьырҭ ажәларқәа рҟазареи ркультуреи рахь радыҧхьалара.

Аконкурс ҩымш имҩаҧыслоит, лаҵарамза 16, асааҭ 11:00 рзы акәашаратә ҟазара аҿы еицлабуеит 6-12 шықәса зхыҵуа ақәратә категориа иаҵанакуа, лаҵарамза 17, асааҭ 11:00 инаркны – 13-18 шықәса зхыҵуа. Аконкурстә программа ашьҭахь, (лаҵарамза 16-17, асааҭ 18:00 рзы) аиааира згази алахәылацәеи аҳамҭақәа ранашьара ацеремониеи, иара убас агала-концерти мҩаҧгахоит.


Апсны Новости

ZİYARETÇİ YORUMLARI

Henüz yorum yapılmamış. İlk yorumu aşağıdaki form aracılığıyla siz yapabilirsiniz.

YORUM YAZ