English French German Spain Italian Dutch Russian Portuguese Japanese Korean Arabic Chinese Simplified

++Sitene Ekle
$ DOLAR → Alış: / Satış:
€ EURO → Alış: / Satış:

Ахәаахәҭра ашьаҟамҩақәа рҟынтәи, уи азы аџьармыкьаҿы ҷыдала иазалху аҭыҧқәа рахь ииагоуп

Ахәаахәҭра ашьаҟамҩақәа рҟынтәи, уи азы аџьармыкьаҿы ҷыдала иазалху аҭыҧқәа рахь ииагоуп


Аҳҭнықалақь Ахадареи, асанитар-епидимиологиатә Маҵзуреи, амилициеи, аекономикатә шәарҭадара азы Аусбарҭеи, Аҟәа ақалақьтә Еизара адепутатцәеи рыла аџьармыкьа хада ахь инагоу Гәлиа ихьӡ зху амҩаду аҿы ҷыдала еиҿкааз ареид мҩаҧган.

Аҟәа. Рашәарамза 13. Аҧсныпресс. Аџьармыкьаҿы ахәаахәҭра знапы алакыз ахәаахәҭыҩцәа гәыҧҩык, аџьармыкьа анҭыҵ, Гәлиа имҩаду аҿы зинда ахәаахәҭра мҩаҧыргон. Уи асанитартә нормақәа акала ирықәшәомызт, иара убас, ахәаахәҭра аҧҟарақәа ҕәҕәала еиланагон. Абри атәы аанацҳауеит аҳҭнықалақь Ахадара аофициалтә саит.

Аацҳамҭа излаанацҳауа ала: “Ахәаахәҭра мҩаҧысуеит ашьаҟамҩақәа рҿы. Уи ахәаахәҭра акала иазыманшәаланы иҟам. Ахәаахәҭыҩцәа ракәзар, ари аҭыҧ аҿы ахәаахәҭра, аџьармыкьа аҩныҵҟа аасҭа еиҳа еиҕьны имҩаҧысуеит ҳәа иазгәарҭоит”.

Убри аан, аџьармыкьа Ахадара аџьармыкьа иахьаҵанакуа ахәаахәҭратә ҭыҧқәа рыднагалоит. Аџьармыкьа адиректор Алхас Гәыргәылиа иазгәеиҭоит: “Аџьармыкьа аҩныҵҟа имаҷымкәа, аусуразы иманшәалоу аҭыҧқәа ыҟоуп. Уи зегьы ирзеиҧшу аҭагылазаашьа аҧҵара алнаршоит. Избан акәзар ас еиҧш аҭагылазаашьа агәынамӡара рызцәырнагоит аџьармыкьа аҩныҵҟа аус зуа ахәаахәҭыҩцәа”.

Убри инамаданы, ашьыжьымҭан, ауаа доусы рыхәаахәҭратә ҭыҧқәа анааныркыло аамҭазы, аҳҭнықалақь Ахадареи, асанитар-епидимиологиатә Маҵзуреи, амилициеи, аекономикатә шәарҭадара азы Аусбарҭеи, Аҟәа ақалақьтә Еизара адепутатцәеи рыла аџьармыкьа хада ахь инагоу Гәлиа ихьӡ зху амҩаду аҿы ҷыдала еиҿкааз ареид мҩаҧган. Ахәаахәҭыҩцәа зегьы, аилыркааратә еиҿцәажәарақәа рышьҭахь, аџьармыкьа аҩныҵҟа иҭацәны иҟоу ахәаахәҭратә ҭыҧқәа рахь ииаган.

Ари аҭагылазаашьа дахцәажәеит Аҟәа Ахадара амуниципалтә мазареи аекономикеи Русбарҭа аспециалист хада Дырмит Ҟолҕьы: “Арҭ аҭыҧқәа рҿы афатә аалыҵқәа зҭиуа роуп еиҳарак аус зуа. Урҭ адгьыл иқәҵаны, архьшәашәагақәа рыда ахшхарҵә аалыҵи, егьырҭ лассы иҧхасҭахо афатә хкқәеи рҭиуеит. Уи изеиҧшразаалак асанитартә норма иаҵанакуа иҟам. Убри аҟнытә, зегьы аџьармыкьа аҩныҵҟа аҭыҧқәа рзалырхит, ахшхарҵә аалыҵ ала ихәаахәҭуа зегьы аҩбатәи аихагыла аҿы аҭыҧқәа ааныркылароуп. Араҟа ихымҧадатәиу аҭагылазаашьақәа аҧҵоуп”.

Убас ишыҟоугьы, Дырмит Ҟолҕьы иажәақәа рыла, зныктәи аусмҩаҧгатә ала ари азҵаара ӡбашьа амаӡам, ас еиҧш акциақәа, ауаа ашьцылаанӡа есыҽны имҩаҧгалатәуп.


Апсны Новости

ZİYARETÇİ YORUMLARI

Henüz yorum yapılmamış. İlk yorumu aşağıdaki form aracılığıyla siz yapabilirsiniz.

YORUM YAZ